Ish-ministri i Drejtësisë Ylli Manjani ka vazhduar edhe sot debatin për çështjen e sigurisë në aeroportin ndërkombëtar të Rinasit, këtë radhe me një ironi therëse për vendimin e beftë që mori qeveria.
“Unë vërtet thashë njëhërë të përdorim ushtrinë, por e kisha për t’i shpallur luftë krimit, jo Kinës”, shkroi Manjani në Fb sot, duke goditur deklaratat e njëpasnjëshme të zyrtarëve të lartë të shtetit se përgjegjësia për cenimin e sigurisë në aeroport është e kompanisë koncensionare kineze.