Ish-kryeministri Sali Berisha ka postuar një foto proteste nga opozita dhe paralajmëron një pjesëmarrje të madhe në protestën e sotme të orës 18:00.
“Shqipëria marshon drejt Tiranës. Cunami po afrohet, regjimi po dridhet! Sb” shkruan Berisha.
Ndërsa shqiptarët po vijnë në kryeqytet i vetmi që është larguar nga frika është kryeministri Edi Rama . Siç po ndodh rëndom, Kryeministri Rama po i ikën përballjes me qytetarët, dhe për herë të tretë rresht, ai ka zgjedhur të largohet nga Tirana, ashtu siç veproi në dy protestat e para të opozitës.
Rama ka ikur në drejtim të shtetit arab të Kuvajtit, dhe do të ndjekë përmes raportimeve të medias dhe njoftimeve nga njerëzit e tij, se si do të shkojnë punët në Tiranë gjatë kohës që opozita do të jetë nëpër rrugët e kryeqytetit.