Ambasadori bullgar, Momtchil Stoyanov Raytchevski ka komentuar krizën politike që ka përfshirë vendin tonë. Nga Devolli, Raytchevski është shprehur se situata politike në vend është e vështirë.

“Është një pyetje që shqetëson shqipëtarët,vendimet në BE merren nga të gjitha vendet anëtare, situata politike në vendin tuaj është e ndërlikuar, ne e ndjekim se çfarë po ndodh edhe ju vetë e shihni se kolegët e mi nga vendet anëtarë të BE japin mendimet e tyre për atë që ndodh në vend,akoma ka kohë, ka edhe kritere.

Shqipëria ka detyrat e veta që duhet të plotesojë, të shohim raportin e Komisionit Evropian dhe çdo gjë është në duart e qeverisë shqipëtare dhe në duart e shtetit shqipëtar.Une jam optimist.”-u shpreh ai.

Gjatë fjalës së tij ai ka thënë se pjesmarrja ose jo në zgjedhje është çështje e politikës shqiptare, por sipas tij vendimi më i drejtë është që të respektohet vota dhe deshira e shtetasve shqiptar.  Ambasadori bullgar ndër të tjera ka thënë se ka besim tek eksperienca që kanë partitë politike shqiptarë që sipas tij do të jenë në gjendje që të gjejnë zgjidhjen e duhur vetë dhe jo të kërkojnë ndërmjetësimin e komunitetit ndërkombëtar.