Ministri i Brendshëm, Sandër Lleshaj, nesër ka caktuar në axhendën e tij, të zhvillojë nesër një vizitë në qytetin verilindor të Kukësit.

Ai do të zhvillojë një takim me strukturat, por edhe me maturantët e gjimnazit të Kukësit, për rekrutimet në polici.

Por, mësohet se demokratët e Kukësit do të organizojnë për ta mirëpritur me protesta ministrin e Brendshëm.

Dosja.al ka mësuar edhe axhendën e ministrit, i cili në orën 9 do të ketë takim me maturantë të gjimnazit të Kukësit për rekrutimet në polici, i cili do të ndiqet me një takim me kryetarin e Bashkisë Has e më tej nga një vizitë në pikën e përbashkët të kufirit në Morinë. Vizita në Kukës do të mbyllet me një takim me krerët e policisë vendore.