Sekretari i Përgjithshëm i LSI-së, Endrit Braimllari, në marshimin që banorët e Unazës së Re po zhvillojnë drejt Drejtorisë së Policisë së Tiranës, deklaroi se sot në burg nuk duhet të ishin protestuesit, por Edi Rama dhe zyrtarët që kanë abuzuar.

“Klevis Balliu mbahet në qeli, sepse proteston për të drejtën e qytetarëve. Sot në qeli duhet të ishte Edi Rama, i cili vodhi hapur 40 milion euro tek Unaza e Re. Jemi të vendosur të përballemi dhe ta çojmë në burg Edi Ramën dhe çdo zyrtar tjetër që abuzon në kurriz të qytetarëve. Burgu është gjëja më e pakët që Edi Rama do marrë nga qytetarët e këtij vendi. Edi Rama dhe Sandër Lleshaj të bëjnë kujdes, sepse gjyqi do i bëhet publikisht për krimet që ato po bëjnë kundër qytetarëve”,- tha Braimllari.