Edi Rama po e ndjen fundin e pushtetit 22 vjeçar (që nga 1998-ta në karrigen e pushtetit). Këto çaste të fundit ai po i kalon me njerëzit e tij më të afërt të ngrehinës rilindëse. Vendi i takimit s’kishte si të ishte ndryshe për një parti trashëgimtare e Partisë së Punës, vila e atit shpirtëror Enver Hoxha.
Rama nuk po shikon rrugëdalje, por në sytë e të tijve do të hiqet si i fortë dhe se e ka situatën nën kontroll.
Ndërsa realisht situata është kritike, me mediat ndërkombëtare që dita ditës i publikojnë afera korruptive apo kapjen e shtetit me gangsterë dhe banda të krimit të organizuar. Në anën tjetër janë ndërkombëtarët, udhëheqësit e qeverive të BE-së që e kanë izoluar dhe nuk e presin më në takime zyrtare. Nga Gjermania, në këtë situatë të tensionuar politike i ka ardhur këshilla që të shtyjë zgjedhjet e 30 qershorit dhe të mos i duket tabu dorëheqja.
Ai e shikon se nuk ka rrugëdalje dhe kërkon të propagandojë në gamat e fundit të pushtetit forcën që nuk e ka. Me takimin e nisur në vilën e diktatorit Hoxha, sekti i rilindjes kthehet në origjinë në bunkerin më të rëndësishëm të etërve.