Kreu i opozitës Lulzim Basha, në një konferencë urgjente për mediat, deklaroi se Sot Shqipëria është më në rrezik se kurrë.

Sa i përket publikimit të përgjimeve të ‘Dosjes 339-të’, Basha deklaroi se lidhjet e Edi Ramës me krimin kanë filluar shumë më herët.

Sipas tij lidhjet krim-PS kanë filluar që kur Rama ishte kryetar opozite, dhe duke përdorur paratë e krimit ai bleu fillimisht PS-në e më pas bleu edhe pushtetin

Fjalë nga Basha:

Unë do të kisha dashur shumë që në opozitë të isha marrë me politikat publike, të isha marrë me programe dhe ligje, por kjo ka qenë e pamundur përballë krimit dhe drogës. Sa herë që ne jemi përpjekur për të dhënë alternativë qeverisëse, skandalet e drogës dhe të krimit na kanë detyruar të çojmë vëmendjen tek krimi dhe droga.

Unë do të kisha dashur shumë që jeta parlamentare e jona të ishte perëndimore, që ne të diskutojmë në Kuvend ide, ligje, vendime që ndihmojnë ekonominë dhe njerëzit. Por është tallje dhe verbëri kriminale t’i kërkosh opozitës që të ulet dhe të bëjë ligje dhe diskutime parlamentare me Armando Prengën, Arben Ndokën, Mark Frrokun, Pjerin Ndreun, Ergys Çyrben, Rrahman Rrajen, Ilir Ndraxhin e shumë banditë apo eksponentë të krimit në Kuvend dhe majat e politikës socialiste.

Me Rrahman Rrajen nuk flitet për ligje. Me Saimir Tahirin nuk flitet për rendin publik. Me Elvis Roshin e Vangjush Dakon nuk flitet për planet e zhvillimit urban. Me Fatmir Xhafajan nuk flitet për drejtësi dhe të drejta të njeriut