Pak e nga pak skandalet në votimet monopartiake të Edi Ramës po dalin në pah. Pas fitores 100 përqindëshe të kandidates së Edi Ramës në Bashkinë e Urës Vajgurore, e cila kishte marrë 1766 vota më shumë votues, SYRI.net ka zbuluar një tjetër fitore të tillë.
Në bashkinë e Malësisë së Madhe ka ndodhur çudia e radhës. Nga të dhënat zyrtare të KQZ-së në këtë bashki në 30 qershor kanë votuar 7600 qytetarë.
Por pas numërimit të kutive kanë rezultuar se brenda ishin 8265 vota. Në Malësinë e Madhe ka fituar kandidati i Ramës Tonin Marinaj me 7772 vota ose thënë ndryshe 122 vota më shumë se votues.
Por në këtë bashki ka marrë edhe 493 vota Pjerin Spathari i Bindjes së Astrit Patozit.
