"Mirëmëngjesi të dashur miq nga Jahorina e Bosnjës! Unë e nisa mbarë ditën sot me Darkon. Uroj një ditë të mbarë edhe për ju!"
Presidenti Ilir Meta i ka përshëndetur shqiptarët sot me një video nga Jahorina e Bosnjës, aty ku mori pjesë në Samitin e SEECP-it. Me një qenush në duar, Darkon, të cilin me sa duket ka ndër mend ta marrë në shtëpi, Meta me humor i ka dërguar një përshëndetje maces së tij të dashur në Tiranë, Sashës: "Shpresoj të takohen së shpejti. Thonë se qentë dhe macet nuk shkojnë, po ky nuk është rasti," shton kreu i shtetit me buzëqeshje.
