Debatit të madh se kur dhe si do të krijohet Gjykata Kushtetuese e cila mund të gjykojë vendime të rëndësishme të Presidentit, parlamentit apo të institucioneve të tjera në vend i ka dhënë një përgjigje shteruese Konstitucionalisti Sokol Hazizaj.

Ai i ftuar në emisionin “Tempora” në RTV Ora u shpreh se Gjykata Kushtetuese nuk mund të krijohet, sepse 3 institucionet që duhet të propozojnë nga 3 anëtarë janë në ngërç. Sipas tij, “nuk ekziston asnjë lloj mundësie ligjore dhe kushtetuese që të krijohet Gjykata Kushtetuese. Gjykata Kushtetuese parashikohet prej 9 anëtarësh. 3 nga Kuvendi, 3 nga Presidenti dhe 3 nga Gjykata e Lartë, që vijnë nga KLGJ. Ne nuk kemi Gjykatë të Lartë. Ne jemi duke shkarkuar Presidentin dhe Kuvendi nuk funksionon. Me çfarë do të krijohet Gjykata Kushtetuese”.