Ish-deputeti i LSI-së, Endrit Braimllari, përmes një postimi në rrjetet sociale, është shprehur se qeveria Edi Ramës është ilegjitime.
Më tej, Braimllari shkruan se “Me mungesën e funksionimit te institucioneve, Parlamentit, Gjykatës se Lartë dhe asaj Kushtetuese, Edi Rama vetëm thellon më tej paligjshmerinë e tij duke e dorëzuar vendin tek një grup i ngushtë oligarkësh të cilët drejtojnë çdo gje në këtë vend”.
Postimi i plotë i Braimllarit
Edi Rama drejton një qeveri ilegjitime.
Me mungesën e funksionimit të institucioneve, Parlamentit, Gjykatës së Lartë dhe asaj Kushtetuese, Edi Rama vetëm thellon me tej paligjshmërinë e tij duke e dorëzuar vendin tek një grup i ngushtë oligarkesh të cilët drejtojnë çdo gjë në këtë vend.
Mungesa e funksionimit te Gjykatës Kushtetuese është bërë me qëllim nga ky Kryeministër qe tani është i zhytur në hajdutëri dhe paligjshmëri.
Mosfunksionimi i Gjykatës Kushtetuese i duhet Edi Ramës që të thellojë me tej paligjshmërinë dhe hajdutërine e tij nëpërmjet ligjeve në kundërshtim me Kushtetuten qe qeveria e tij kalon ne nje Parlament monist dhe kllounash.
Qytetarët zhyten në varfëri ekstreme ndërsa Edi Rama dhe një grusht oligarkesh gllaberojnë qindra miliona euro koncensione klienteliste në kurriz të qytetarëve të ketij vendi.
Mungesa e sigurisë publike, mosfunksionimi i institucioneve, votimet farsë dhe moniste më 30 qershor thellojnë më tej paligjshmërinë e Edi Ramës dhe oligarkave të tij.
