Kreu LZHK, Dashamir Shehi e ka konsideruar gjest shtetari vendimin e kryeministrit kosovar Ramush Haradinaj për të dhënë dorëheqjen nga posti. Në studion e lajmeve të RTV Ora, Shehi tha se çështja e Haradinajt duhet të ishte mbyllur pasi nuk është hera e parë që gjykohet për krime lufte.

Por ai shpreh bindjen se Haradinaj do dalë sërish i pafajshëm

Dashamir Shehi: "Se çfarë fshihet pas dorëheqjes do ta marrim vesh kur të mbaroj ky proces. Unë gjykoj që ky njeri është gjykuar dy herë dhe duhet të ishte mbyllur kjo histori. Sidoqoftë ka bërë gjest shtetari. Shumë mirë vendosi që do shkoj si qytetar sesa të shkojë kryeministri i Kosovës, nuk do ishte mirë për Kosovës që kryeministri të merret nën hetim. Kështu që ka bërë mirë.

Është gjest që në Shqipëri nuk para e bëjnë. Në Shqipëri edhe atje se shqiptarë jemi nga të dy anët e kufirit. Kjo i bën nder atij. Uroj dhe besoj se pas kaq vitesh që hy dhe del nëpër gjyqe ka dalë i pafajshëm dhe do të dalë i pafajshëm, kjo histori do të mbyllet.

Ky gjest do kujtohet për mirë. I dha sinjal kolegëve të tjerë në Kosovë. Bëri mirë sepse Kosova e ka vuajtur këtë situatë.

Haradinaj ka shkuar me këmbët e veta në Hagë disa herë dhe fatmirësisht ka dalë i pafajshëm dhe e konsideroj gjest pozitiv."