Në intervistën e mbrëmshme për Zërin e Amerikës, Mattheë Palmer, Zëvendësndihmës Sekretar i Shtetit për Çështjet e Evropës dhe Euroazisë, shprehur disa shqetësime të Shteteve të Bashkuara të Amerikës, shqetësime këto të njëjta me ato që ka shpalosur Presidenti i Repubklikës së Shqipërisë Ilir Meta në të gjitha javët e fundit, në mënyrë insistuese, ccdo ditë.

Presidenti Meta ka anuluar zgjedhjet e 30 qershorit duke thënë se nuk kishte mundësi zgjedhjeje por vetëm votime, pasi shqiptarët nuk kishin alternativa. Të njëjtin shqetësim shprehu mbrëmë edhe Palmer, i cili nënvizoi se “procesi i përgjithshëm i mohoi popullit të Shqipërisë një alternativë kuptimplote. Pra, ekzistojnë shqetësime dhe rezerva reale në lidhje me vetë zgjedhjet, siç artikulohen nga OSBE-ja”.

Palmer tha gjithashtu se ne do të dëshironim që mosmarrëveshjet politike në Shqipëri të zgjidheshin përmes institucioneve e jo përmes ndërhyrjeve nga jashtë. Është i njëjti qëndrim që ka mbajtur edhe Presidenti Meta. Ai është shprehur se kjo krizë e rëndë politike duhet zgjidhur nga shqiptarët, duke treguar përgjegjshmëri.

Interesant ishte edhe qëndrimi i Mattheë Palmer në lidhje me mosfunksionimin e Gjykatës së Lartë ai tha se SHBA-të shqetësohen shumë nga ky fakt. “Ne do të dëshironim që gjykata të konstituohej. Mendojmë se është shumë e rëndësishme që çdo sistem të ketë kontrollet dhe ekuilibrat e duhur, në mënyrë të ketë përgjegjshmëri, transparencë dhe respek për sundimin e ligjit.

Ne ia kemi shtruar këto çështje Kryeministrit Rama, siç kemi bërë me paraardhësin e tij dhe si ç’do të bëjmë edhe me pasardhësin e tij. Kjo është shumë e rëndësishme për Shtetet e Bashkuara, është e rëndësishme për Shqipërinë dhe për popullin shqiptar. Është gjithashtu e rëndësishme për rajonin”, tha zyrtari i lartë amerikan.

Kujtojmë se Presidenti i Republikës, Ilir Meta, në mënyrë konsistente e ka shprehur këtë shqetësim për Gjykatën e Lartë dhe ka apeluar shpesh që të merren masat në këtë drejtim.