Qytetarë që kanë vizituar këto ditë Ksamilin kanë konstatuar braktisjen e plazheve nga turistët, menjëhërë pas aksionit që qeveria ka ndërmarrë në kulmin e sezonit veror kundër biznesve në emër të evazionit fiskal.
Ish-kryeministri Sali Berisha, i njohur prej tyre me këtë fakt, ka publikuar fotot plot ironi të nisura nga qytetarët me këtë shënim: "Lopët zëvendësojnë turistët në Ksamil! Suksesi i fundit i narkoshtetit! Lexoni mesazhin shikoni foton e qytetarit dixhital."
Përshëndetje Doktor!
Pasi zbuan nga korrupsioni, tragetin me 2500 italianë nga Saranda dhe terrorizuan bizneset me fushatën antibiznes të kësaj ministres police dhe me urdhrat që pastruan Ksamilin nga shezllonet, ndihet fuqishëm mungesa e ardhjes së turistëve në plazh. Ata tani i kanë zëvendësuar lopët. Po të dërgoj disa foto të djeshme.