Ish-ministri i Drejtësisë, Ylli Manjani ka ironizuar deklaratën e Mihal Kokëdhimës, pronarit të restorantit që sulmoi turistët spanjollë tri ditë më parë në Himarë.
Në sallën e gjyqit ai u dëgjua teksa tha se ‘kryeministrin e kishte mik’, ndërsa Manjani shkruan me ironi se ky fakt nuk vihet në dyshim. “Po, sigurisht që e ke mik! Nuk ka nevojë ta përsëritësh. Po nuk qe miku i Tij, nuk merr dot guximit të sulmosh dynjanë.
Vetëm miqtë e Tij, sulmojnë e dhunojnë sipas qejfit se nuk kanë frikë. Miq kemi dhe ne të tjerët, por nuk i nxisim të sillen kafshërisht me të tjerët.
Pa dyshim që e ke mik! Dhe je nga ato miqtë që do të duhet të kalosh ca ditë në burg, se edhe Atij i janë shtuar miqtë e duhet tu shesë disa prej jush…”, shkruan Manjani.
