Pas kryeministrit grek, është ministri i jashtëm i Athinës që deklaron se Shqipëria nuk i ka përmbushur detyrimet e saj.

Nikos Dendias me një artikull të tij të publikuar në gazetën greke ‘Ta Nea’, flet për marrëdhëniet e Greqisë me vendet e rajonit.

Më shumë Dendias flet për marrëdhëniet me Turqinë, por ka tërhequr vëmendjen edhe për zhvillimet me Shqipërinë.

‘Për sa i përket Shqipërisë, përmirësimi i marrëdhënieve bilaterale janë të dukshme dhe janë përfitime për të dy vendet.

Sidoqoftë, duhet të theksoj se Shqipëria ende nuk po arrin të përmbushë detyrimet e saj në lidhje me pakicat dhe të drejtat pronësore të pakicës kombëtare greke’, shkruan Nikos Dendias në artikullin e tij për gazetën greke ‘Ta Nea’.