Ish-deputetët e Partisë Demokratike, Jorida Tabaku dhe Oerd Bylykbashi, mëngjesin e sotëm, zhvilluan një takim me Komisionin e Venecias, për çështjen e pronave. Menjëherë pas përfundimit të takimit, Tabaku dhe Bylykbashi bënë të ditur se kanë diskutuar për çështjen e pronave, jo vetëm problemet, që janë krijuar po dhe vizionin e PD-së në lidhje me këtë çështje. “Pronën s’e merr dot askush, as Edi Rama”, u shpreh Tabaku.

Bylykbashi nga ana e tij tha se ua bënë të qartë sesi qeveria po i merr pronat e pronarëve gjoja në emër të interesit publik, me anë të një mekanizmi të qëllimshëm. “Bllokimi i Gjykatës Kushtetues, fikja e saj, është bërë e qëllimshme”, tha ai, “ndaj PD-ja në pushtet do t’i çojë në vend këto padrejtësi”.

Këto ditë, Partia Demokratike po prezanton në detaje, programin e saj në të gjitha fushat, përfshirë zgjidhjen e çështjes së pronave të shqiptarëve që pritet me interes nga qytetarët.