Zëdhënësja e qeverisë, Elisa Spiropali, do të tallej me paralajmërimin e presidentit Ilir Meta se, Shqipëria dhe Ballkani rrezikohej nga një tërmet i fuqishëm.

Por sot, kur vendi u trondit nga një tërmet, i paregjistruar në vend prej gati 30 vjetësh, zyrtarja e LSI, Elona Guri ka gjetur momentin për t'iu përgjigjur edhe një herë ministres së Ramës.

Përmes një postimi në Facebook, Guri i kujton Spiropalit se e ka gati tashmë skenarin për filmin e rradhës për tërmetin.

Postimi i plotë i Elona Gurit:

E gjithëditura Elisë! Besoj se tashmë ke gati skenarin për të bërë filmin e radhës për termetin.

Besoj se zgjuarsia juaj, e niveleve më të larta të IQ, do të dalë së shpejti në foltoren e Parlamentit edhe të thuash 'Të ngrejmë një komision parlamentar të shkarkojmë Presidentin e Republikës, se nuk bëri atë që i propozova unë, dekretin për shtyrjen e tërmetit.

Pafytyrësia, paturpësia dhe paaftësia nuk mund të ndërthuren me harmonishëm se tek ti!

Ti je Xhakonda e këtyre tre virtuteve, që i gëzojnë me tepri rilindasit!

Por kur vjen në pushtet me votat e kriminelëve nuk mund të shqetësohesh për qytetarët, biles as për veten sa idiotësira artikulon.

Elisa, nëse ke një fije të vogël turpi shko dhe jep dorëheqjen. Shqiptarët nuk meritojnë një simbol të tillë si ti.