Nga Lefter Maliqi

T’i lutemi Zotit boll më me fatkeqësi natyrore, tërmete, përmbytje, zjarre etj. Nuk e meriton ky popull i varfër, i rraskapitur, me plot probleme, me fëmijët e të afërmit në emigrim, të papune e të pasigurt, me qeveritarë e pushtetarë të babëzitur, hajdutë e të korruptuar. Tërmeti më i fortë që ndodhi pas vitit 1979. Solidarizohem me të gjithë familjet e dëmtuara pjesë e së cilës isha dhe unë. Vendi kaloi në panik pas tërmetit të ditës së shtunë. Zoti shpëtoi jetët e njerëzve me pak lëndime, mbi 105 banorë u kuruan në spitalin e Traumës, dhjetëra banesa u shkatërruan, dhjetëra pallate e biznese u dëmtuan. I besoni zotit jo piktorit dështak dhe sejmenëve të tij në qeveri, i cili si gjithmonë aktron dhe në fatkeqësitë natyrore, duke bërë show me takime puthje duarsh e përqafime fëmijësh të sëmurësh e të moshuar, siç ka bërë me dëmet e shkaktuara nga tërmetet në Korçë apo të permbytjeve e zjarreve dhe asnjë premtim të mbajtur, ka zaptuar mediat me këto show e aktrime dhe kur një media, gazetë a portal nxjerr një lajm për sigurinë e njerëzve pavarësisht sa i vërtetë është, ai i turret si çakall me fjalorin më të ndyre. Zotit i qofshim falë, por vendi ka nevojë për tërmet tjetër të fortë politik në mënyrë që vendi të jetë më i sigurt, më i mobilizuar, më pranë njerëzve në çdo fatkeqësi, duke i ndihmuar menjëherë banorët për banesat, pronat dhe jetën e tyre. Tërmeti politik domosdoshmëri për të përmbysur babëzinë, korrupsionin, pasigurinë, paaftesinë Rilindase dhe do rindertojë shpresën, mirëqenien, te ardhmen sigurinë e vendit. Populli t’i përulet Zotit por jo Qeverisë së babëzizë, ajo duhet rrëzuar bashkë me Piktorin e korruptuar e dështak një sahat e më parë.