Pak dite me pare, ne qytetin e Kavajës, u plagos një person dhe banorët ishin ata që neutralizuan autorin dhe ia dorëzuan policisë. Konkretisht kane qene këta dy burra qe shihni ne foton me lart ata qe i morën armen nga dora dhe parandaluan një tragjedi, te cilët i ka takuar sot Presidenti Ilir Meta.

“Kënaqësi e veçantë të takoja sot dy qytetarë të mrekullueshëm të Kavajës, z.Ymer Xhafa dhe z.Bajram Shala, të cilët dy ditë më parë rrezikuan jetën e tyre për të neutralizuar një shtetas të armatosur në qendër të qytetit, i cili plagosi një shtetas tjetër, ngjarje që mund të kthehej në një tragjedi të madhe.

I falenderova përzemërsisht për aktin e tyre të lartë qytetar, në mbrojtje të jetës, paqes sociale dhe sigurisë publike.

Shembuj të tillë frymëzues i duhen mbarë shoqërisë tonë, për të qëndruar larg konflikteve, dhe për të reaguar kundër dhunës, krimit por dhe indiferencës, që rrezikon jetën, pronën e sigurinë qytetare”, shkruan Presidenti Meta në Facebook.