Sipas Kashahut, PD dhe kryetari i saj Lulzim Basha e kanë bërë të qartë qëndrimin e tyre: reflektim i sinqertë për plotësimin e kushteve.

"PD ka kohë që e ka bërë të qartë qëndrimin e saj, mënyrës së qeverisjes, përgjegjësive të zotit Rama dhe pret, Basha përmes një bashkëbisedimi me gazetarët e ka bërë të qartë se nëse nuk ndodh një reflektim i sinqertë ndaj kërkesave, sot të Bundestagut, dje të opozitës, nuk mund të ketë një zgjidhje të mirë të këtyre kërkesave. Nëse Rama do të vazhdojë ta shesë sikur nuk jemi në krizë politike, duke falenderuar Merkel për kushtet", u shpreh zyrtari demokrat.

U çelën apo nuk u çelën negociatat?

"Çelja e negociatave është e qartë. Vendet e rajonit pothuajse të gjitha e kanë kaluar këtë proces. Statusin e vendit kandidat e kemi marrë në vitin 2011. Jemi në vitin 2019 dhe nuk kemi çelje negociatash. Vendi ndodhet në një situatë tragjike.

Serbia ka hapur 16 kapituj, e ka mbyllur vetëm 2. Mali i Zi i ka hapur në vitin 2013 negociatat, ka hapur 34 kapituj e ka mbyllur vetëm 3. Është një proce i gjatë e i vështirë e nuk mund të menaxhohet me të njëjtën mënyrë si qeveria. 

Akoma nuk është i qartë vendimi i shteteve skeptike:

"PD ka bërë maksimumin e saj. Ka lobuar me të gjithë partitë simotra. Basha e ka bërë të qartë edhe nga mbledhja e Partive Popullire Europiane", deklaroi Kashahu.