Zyra e shtypit e presidentit të Maqedonisë së Veriut, Stevo Pendarovski, ka reaguar lidhur me anulimin e takimit që kreu i shtetit në Shkup kishte planifikuar me kryeministrin Edi Rama gjatë vizitës së tij të fundit në Tiranë.

Në një përgjigje për Fax News, zyra e shtypit bën me dije se, anullimi i takimit erdhi si pasojë e gjëndjes shëndetësore të Ramës, por pa dhënë detaje se për çfarë bëhej fjalë konkretisht.

“Takimi u anulua me një marrëveshje të ndërsjellë midis protokolleve të dy zyrave, Kryeministri Rama dhe Presidenti Pendarovski. Arsyeja ishte se, për shkak të çështjeve shëndetësore ajo u anulua dhe kryeministri Rama foli personalisht me Presidentin Pendarovski për të kërkuar falje që nuk mund të takohej. Ky është komenti ynë. Nuk kam detaje të mëtejshme”, thuhet në përgjigjen e zyrës së shtypit të presidentit të Maqedonisë së Veriut.

Ndërkohë, nga zyra e shtypit e kryeministrit Edi Rama nuk ka ende një reagim zyrtar lidhur me anullimin e takimit, ndërsa duhet theksuar se, shefit të qeverisë i është dashur disa herë, në mnyrë sekrete, ti drejtohet spitaleve për të kërkuar ndihmë shëndetësore.

Kryeministri Rama është akuzuar nga ish ministra socialistë, nga ish kolegë dhe nga një pjesë e opozitës si përdorues i drogërave të forta.

Megjithatë Rama i ka mohuar këto akuza por në asnjë rast nuk ka pranuar sfidën e opozitës dhe ish miqve të vetë politike dhe jo vetëm të bëj testin e drogës.