Xhuliano Frroku i cili u arrestua dy ditë më parë në Lezhë me një sasi të konsiderueshme kanabis në makinë, mësohet se është djali i drejtorit të Mjedisit në këtë qytet, Bardhok Frroku.
Babai i tij, Bardhok Frroku ka qenë më parë ish-kreu i PS-së në rrethin e Lezhës.
Gjatë kontrollit në makinë në sediljen e pasme 22-vjeçarit iu gjet 2.3 kg kanabis.
Xhuliano Frroku ka bërë rezistencë ndaj policisë në momentin që policia ka kërkuar të ushtrojë kontroll.
Ai u arrestuar dy ditë më parë në vendin e quajtur Rruga e Kallmetit në Lezhë.
Tashmë mbi të rëndojnë akuzat për veprat penale "Prodhimi dhe shitja e narkotikëve" dhe "Kundërshtimi i punonjësit të rendit publik".
