Atentati mafioz ndaj prokurorit të Durrësit u paralajmërua tre javë më parë kur qeveria në një rast të paprecedent ndërhyri në një çështje hetimore që prokurori i  Durrësit kishte nisur për një grup kriminal që në bashkëpunim me zyrtarë të hipotekës po gllabëronin prona shtetërore.

Një bandë në Durrës përvetësonte prona me ndihmë të zyrtarëve të emëruar drejtpërdrejt nga Erjon Braçe dhe Edi Rama. Por hetimi i nisur nga prokurori Ndoji preku interesat e bandës dhe Ramës dhe Braçes.

Rama arriti të përdorte edhe foltoren e Parlamentit për ta sulmuar prokurorin që i shkeli në kallo bandës kriminale të pronave. Kreu i qeverisë që mbahet mend për propozimin publik që u bëri bandave duke u thënë të eliminonin njëra tjetrën, jo vetëm e sulmoi prokurorin Ndoji, por edhe u dha mesazhin bandës që po hetohej nga Ndoji që e gjithë qeveria ishte me ta.

Ndërsa numri dy i qeverisë, Erion Braçe sulmoi në disa konferenca për mediat nga zyra e Kryeministrisë prokurorin Ndoja, pasi kishte kërkuar arrestimin e Drejtorit të Agjencisë Shtetërore të Kadastrës (ASHK).

Dhe pak ditë pas këtyre deklaratave ndodhi atentati mafioz. Krimi i mbështetur nga Rama dhe Braçe shënjestroi sot prokurorin. Për këtë ngjarje kanë nisur hetimet, por a mund të zbardhet ky atentat nga kolegët e Arjan Ndojit dhe provat t’i dërgojnë ata drejt Ramës dhe Braçes? Nëse kjo dyshe do të vazhdojë të ketë mburojë pushtetin, asnjë hetim nuk mund të jetë serioz.