Komisioni i Ligjeve ka miratuar sot listën e kandidatëve për postet vakante në Gjykatën Kushtetuese.
Kryetari i Komisionit të Ligjeve, Ulsi Manja ka lexuar listën e kandidatëve dhe renditjen që ka bërë Këshilli i Emërimeve në Drejtësi.
Në listën e parë bie në sy emri i kandidatit të dekretuar nga Presidenti Meta, i cili është renditur i treti në renditje, pra prokurori Besnik Muçi.
Ndërkohë që kandidatët e tjera, Arta Vorpsi dhe Elsa Toska figurojnë edhe në listën e dytë, të shpallur nga Kuvendi.
Sipas Ulsi Manjës kandidati Besnik Muçi është tashmë anëtar i Gjykatës Kushtetuese, pasi ka marrë dekretin e kreut të shtetit.
Ndërkohë që dy kandidatet e tjera Arta Vorpsi, Elsa Toska dhe Fjona Papajorgji pritet të votohen në Kuvend.
Kandidatët kane marrë votat pro të anëtarëve te Komisionit të Ligjeve, i vetmi që votoi kundër ishte Adriatik Alimadhi, kreu i Ballit Kombëtar.
Lista e parë
Arta Vorpsi
Elsa Toska
Besnik Muçi (I dekretuar nga Presidenti)
Lista e dytë
Propozimi i Kuvendit
Arta Vorpsi
Fjona Papajorgji
Elsa Toska
