Nga fjala e Lulzim Bashës me biznesmenët e Durrësit:

“Ata e kanë ndarë ekonominë në dhjetë pjesë, secila ka një padron. Patroni ecën përpara, të tjerët janë skllevër. Të padronit, shqip.

Ndaj, e para është të rikthejmë konkrencën e ndershme. Si bëhet kjo?! Ju e vutë gishtin tek korrupsioni.  E thatë me fraza elegante: “personi i gabuar në vendin e duhur”.

 Pra, aty ku duhet të kemi një administratë transparente, siç është administrata fiskale apo prokurimet publike, kemi njerëz që mendojnë vetëm për të mbushur xhepat e tyre apo të bosëve të tyre.

 Zgjidhja jonë bazohet në të dy elemente kryesorë. Edhe tek njerëzit, cilësia e tyre, por edhe tek mënyra si do të funksionojë sistemi.

Pse jemi ne për taksën e sheshtë 9%?!

Sepse taksa e sheshtë 9% shtyn drejt formalizimit , në vend që të jeni me dy bilance, do të jeni me një bilanc.

 E dyta, duke shtyrë drejt formalizimit, duke nxitur shumicën e biznesve të dalin në dritë dhe të deklarojnë saktësisht veprimtarinë e tyre ekonomike, zvogëlon edhe mundësinë për abuzim nga administrata shtetërore.