Arratisja e Agim Kajmakut, pak para se policia ti mbërrinte në shtëpinë e tij, ka vënë në siklet qeverinë Rama.

I shpallur në kërkim për falsifikime në bashkinë e Vorës, Kajmaku ndodhet në arrati dhe policia e ka shpallur në kërkim.

Pikërisht për arratisjen e Agim Kajmakut kanë nisur hetime ndaj disa oficerësh, pasi dyshohet se ata kanë njoftuar atë që të ikte sepse policia po shkonte në shtëpinë e tij për ta arrestuar.

Shërbimi i Çështjeve të Brendshme dhe Ankesave në ministrinë e Brendshme kanë bërë të ditur se, ka dyshime të mëdha që aksioni për arrestimin e Kajmakut, që do të shpallej si një rezultat i madh, është dekonspiruar.

Deri më tani janë kontrolluar banesa dhe biznese të Kajmakut, por ai nuk është gjetur.

Avokatët e ish-kryebashkiakut të Vorës janë shprehur se Agim Kajmaku nuk do të dorëzohet, pasi urdhër-arresti ndaj tij është i paligjshëm.