Ka përfunduar takimi në presidencë mes kreut të shtetit Ilir Meta dhe ish-presidentit Bamir Topi.

Takimi, që vjen në kuadër të takimeve këshilluese që presidenti Meta ka zhvilluar me paraardhësit e tij, kishte në fokus krizën politike në vend dhe ngërçin me Gjykatën Kushtetuese.

Takimi zgjati rreth 40 minuta, ndërsa në dalje, ish-presidenti Topi u shpreh se,kryefjalë e takimi të tyre ishte kriza institucionale.

Ai tha se zgjidhja për ngërçin e krijuar nuk mund të vijë nga jashtë, ndërsa e cilësi këtë përplasje më të paprecedentë.

“Ne mund të japim mendime, zgjidhja s’vjen nga jashtë. Përplasja institucionale është histori e trishtë. Kjo është përplasja më e më e paprecedentë”, u shpreh ai.

Më herët, Meta është takuar me ish-presidentët Rexhep Meidani, Sali Berisha dhe Bujar Nishani.