Një burri mysliman shqiptar, shtëpia e të cilit u shkatërrua nga tërmeti, do t’i rindërtohet ajo nga një grup përkujtimor i Holokaustit për nder të shpëtimit të hebrenjve nga babai i tij, raporton Izraeli Sot. Shtëpia e Muhamet Biçakut, 83 vjeç, u shkatërrua gjatë fatkeqësisë së 26 nëntorit që mori jetën e të paktën 51 personave në kombin ballkanik.

Gjatë Holokaustit, babai i Biçakut, Mefaili dhe vëllai i madh, Njaziu, strehuan rreth 20 familje hebreje nga forcat okupuese italiane dhe gjermane në Qarrishtë, një fshat që ndodhet rreth 50 milje në lindje të kryeqytetit.

“From the Depths”, një organizatë me qendër në Poloni që përqendrohet në vlerësimin e veprimeve të shpëtimtarëve të hebrenjve, ka mbledhur 10,000 dollarë për të rindërtuar shtëpinë, shkroi themeluesi i grupit, Jonny Daniels, në një deklaratë të mërkurën, pasi vizitoi Shqipërinë, si pjesë e një misioni humanitar pas tërmeti.

Kostoja totale do të jetë 45,000 dollarë dhe mbledhja e fondeve po vazhdon, tha ai. Muhamet Biçaku, i cili ishte 5 vjeç kur babai i tij filloi të strehojë refugjatë hebrenj, tani po jeton në kushte të vështira.

Në vitin 2007, ai mori në emër të familjes së tij medaljen “Kurajo për Kujdesin” (Courage to Care) nga Anti-Defamation League (medalje që u jepet atyre që strehuan dhe shpëtuan hebrenj). Babai dhe vëllai i tij u njohën në vitin 1996 nga Izraeli si “Të Drejtë midis Kombeve”, titulli i vendit për jo-hebrenjtë që rrezikuan jetën e tyre për të shpëtuar hebrenjtë gjatë Holokaustit.

“Ata i ofruan popullit tonë nevojat më themelore të nevojave njerëzore, strehim, në periudhat e tyre të vështira, duke shpëtuar jetën e tyre,” shkroi Daniels. “Duhet të jetë e qartë për ne sot që të mblidhemi dhe ta kthejmë atë favor.”