Detaje të reja janë zbardhur në lidhje me atentatin ndaj Kastriot Reçit, i ekzekutuar ditën e djeshme në orën 11:05 minuta të paradites.

Gazetari i SYRI TV sot ka mundur që të futet në banesën nga ku është qëlluar me snajper Reçi, ndërsa ka zbuluar edhe se kujt i përket ajo.

Shtëpia që ndodhet në katin e fundit të një pallati shumë katesh në qendër të Rrëshenit, është e shokut të Armando Gjinit, njërit prej personave të vrarë gjatë hakmarrjeve mes dy fiseve Jaku dhe Reçi.

Gjate kohës kur u vra, në gusht të 2019-ën, Armando Gjinit iu gjetën biseda me pronarin e banesës që u përdor një ditë më parë nga ekzekutori.

Ekzekutori besohet së është një qitës profesionist dhe dyshimet janë ngritur se bëhet fjalë për një ushtarak të stërvitur mirë.