Mesazhi i kryetares së Lëvizjes Socialiste për Integrim, Monika Kryemadhi, për Masakrën e Reçakut:
Masakra e Reçakut është dëshmi rrëqethëse dhe provë gjaku me jetët e pafajshme të shqiptarëve, e gjenocidit dhe krimeve kundër njerëzimit, të kryera nga regjimi kriminal i Millosheviçit dhe banda e pushtetit të tij!
Përkujtimi me dhimbje i asaj masakre, është sot po aq edhe homazh për të gjithë shqiptarët që vunë zemrat e atdhedashurisë dhe gjakun e tyre në mbrojtje të Kosovës dhe që e bënë Kosovën e gjakut tonë shtet të lirë, të pavarur dhe demokratik!
Sot më shumë se kurrë, Reçaku ndan patriotët nga pseudopatriotët, atdhetarët nga tradhtarët, shqiptarët nga antishqiptarët!
Reçaku është apel për drejtësi, është monument për kujtesë, është referencë për shqiptari!
