Nga Av. Marinela ZIU

Pas raportit të Departamentit Amerikan të Shtetit (DASH), që vlerëson Shqiperinë si vendin më të korruptuar në Rajon dhe Europë, vjen raporti i Transparency International, i cili rendit Shqipërinë në vendin e 106-të, që reflekton edhe përkeqësimin e situatës së korrupsionit krahasuar me vitin 2014, ku renditeshim në vendin e 64, e tashmë, në të njëjtin nivel me Bregun e Fildishtë e Mongolinë…

Pas 7 vjet keqqeverisje korrupsioni dhe shpërdorimi i parave publike ka kapur shifra të frikshme.

* Vendi i 1,5 milionë të varfërve, paguan 1 miliardë euro vetëm për shpenezimet e luksit të qeverisë.

* 3 miliardë euro koncesione korruptive, pa asnjë benefit për qytetarët, pa garë, pa transparence, me kritere dhe fitues të paracaktuara për një grusht miqsh.

* 5 miliardë euro dëmi i konstatuar nga Kontrolli i Lartë i Shtetit, një shifër që vazhdon e rritet, në vendin e 60 mijë fëmijëve që ëndërojnë një herë në ditë… bukë.

* 400 millionë euro tendera e kontrata sekrete për 11 oligarkë, ndërkohë që mbi 50 biznese të ndershme mbyllen çdo ditë.

* 1,6 milionë euro kushton vetëm zyra e Kryeministrit, para me të cilat mund të bliheshin 1 mijë kontenierë banimi, për të pakën 1 mijë familje të prekura nga tërmeti, që ngrysen e gëdhihen në çadra plasmasi, pa asnjë ndihmë nga shteti.

* 140 milionë euro nga vendimet e Gjykatave për largime të padrejta nga puna, që kanë detyruar mijëra familje të lenë përfundimisht vendin…

* Nëse në 2018, 1 në 3 tendera jepej pa gare, tashmë 1 në 2 tendera jepet pa garë, pa transparence, në shkelje të ligjit dhe duke shpërdoruar taksat e larta të taksapaguesve më të varfër në bote.

Një faturë që nuk ka fund… sepse “Kap Ç’a T’kapësh” është i vetmi institucion funksional, drejtues i së cilës është vetë Kryeministri…

Departamenti i Antikorrupsionit, Aksesit në Shërbime dhe Transparencës në Qeverisje, Partia Demokratike e Shqipërisë.