Një tjetër veprim i bashkisë së Tiranës ka shkaktuar pakënaqësi dhe protesta në kryeqytet. Ditën e djeshme fadromat kanë mbërritur në Tregun Elektrik për ta shembur.

Vetë tregtarët akuzojnë se po u shembet biznesi dhe se po i largojnë nga vendi pa u siguruar një ambient tjetër, ndërsa bashkia nuk ka pranuar kërkesat e tregtarëve, por ka vijuar me shembjen.

Duke e konsideruar si një shkelje, tregtarët shprehen se po u hiqet mundësia për tu siguruar të ardhura familjeve.

Nuk është hera e parë që bashkia e Tiranës vepron duke mos marrë parasysh kërkesat e atyre që paguajnë taksat e vendosura.

Ndërkohë, lidhur me këtë situatë reagon sërish ish kryeministri Sali Berisha.

I nxitur edhe nga reagimet e tregtarëve, tashmë të hedhur mes katër rrugëve, ai shprehet se ky veprim i bashkisë është banditizëm.

“Në asnjë lloj regjimi një banditizëm i tillë nuk mund të ekzistojë! Dëgjojeni dhe gjykojeni vet”, shkruan Berisha, ndërsa publikon edhe një video me reagimet e qytetarëve.