Anëtarët e tryezës katërpalëshe në kuadër të reformës zgjedhore po zhvillojnë sot një takim me përfaqësues të OSBE/OHDIR-it.

“BalkanWeb” ka siguruar foto nga takimi ku janë të pranishëm dy bashkëkryetarët e Komisionit të Reformës Zgjedhore, Rudina Hajdari dhe Damian Gjiknuri dhe dy përfaqësues të opozitës jashtëparlamentare, Petrit Vasili dhe Oerd Bylykbashi.

Mësohet se ekspertët do të informohen në lidhje me ecurinë e deritanishme të draftit të reformës. Ekspertët e OSBE/ODIHR do të ndërhyjnë për pikat që palët nuk bien dakord, si dhe do të shikojnë nëse dokumenti që do të përgatitet nga pala shqiptare është në përputhje me rekomandimet e bëra nga ky institucion.