Kryeministri i Kosovës Albin Kurti i ka kthyer përgjigje negative kërkesave të Shteteve të Bashkuara të Amerikës sa I përket heqjes së taksës ndaj produkteve serbe.
Teksa shumë politikanë dhe analistë janë “të shqetësuar” për marrëdhëniet me Washingtonin dhe pasojat që mund të ketë ky vendim, analisti nga Tirana Andi Bushati i del në krah Kurtit.
Përmes një reagimi në rrjetet sociale, Bushati shprehet ndër të tjera se, ata që respektojnë më shumë Richard Grenell (i dërguar I posaçëm I SHBA për dialogun Kosovë-Serbi) më shumë se sa veten, janë të shtirur edhe në dashurinë e tyre ndaj Amerikës.
po përpara se të tremben se mos prishemi me NATO-n, mire është të bëjnë pyetjen: a mund të firmosë një person marrëveshje sekrete duke ia fshehur parlamentit; përpara se të friksohen se mos na ndëshkon një diplomat kaubojs, është mire të mendojnë nese ka të drejte ai më shumë sesa zgjedhësit e Kosovës, për të përcaktuar se kush do ta përballë Vuçiçin në dialog.
Ata që respektojnë më shumë Grenellin sesa veten e tyre, janë të shtirur edhe në pasionin ndaj Amerikës”, shkruan Andi Bushati në reagimin e tij.
Heqjen e taksës, Kurtit ia kanë kërkuar shumë zyrtarë të lartë amerikanë, përfshirë edhe sekretarin amerikan të Shtetit, Mike Pompeo. Kërkesa të njëpasnjëshme ka bërë edhe emisari i presidentit Donald Trump, Richard Grenell.
