Zëdhënësi i Presidentit Ilir Meta, Tedi Blushi ka publikuar detaje nga organizimi i manifestimit të 2 marsit dhe ka theksuar se nuk është “për dhunë ndaj institucioneve, por kundër dhunës sistematike që një grup puçistësh ushtrojnë ndaj Kushtetutës dhe të drejtave tuaja kushtetuese”.
Në një postim në rrjetet sociale, Blushi informon qytetarët që do i bashkohen manifestimit të kenë me vete flamuj e mimoza, por të mos bien pre e provokimeve dhe të përdorin celularin për të regjistruar çdo gjë.
Postimi i plotë:
Të dashur qytetarë,
Me rastin e Manifestimit madhështor Mbarëkombëtar që po afron kërkojmë jo vetëm pjesëmarrjen Tuaj, por edhe bashkëpunimin për realizimin e tij në mënyrën më qytetare, europiane dhe patriotike.
Theksojmë edhe njëherë qëllimin gjithëpërfshirës të këtij Manifestimi, ndaj vetëm flamujt kuqezi janë të mirëpritur.
Theksojmë se ky është Manifestim, jo për dhunë ndaj institucioneve, por kundër dhunës sistematike që një grup puçistësh ushtrojnë ndaj Kushtetutës dhe të drejtave tuaja kushtetuese.
Ndaj nëse mundeni edhe mimozat janë të mirëpritura.
Ju ftojmë të shmangni çdo incident dhe provokim nga cilido, dhe përdorni celularin tuaj për të regjistruar çdo gjë.
Në Presidencë funksionon një grup organizator pa pushim, me të cilët mund të kontaktoni:
Këshilltari për Mbrojtjen, z.Dedë Prenga
Numër celulari: +355699848359
Këshilltari për Emergjencat Civile, z.Shemsi Prençi
Numër celulari: +355696067755
Këshilltari për Pushtetin Vendor, z.Ylli Asllani
Numër celulari: +355692053488
Për çdo informacion dhe ide që keni na kontaktoni menjëherë dhe në adresat e email:
This email address is being protected from spambots. You need JavaScript enabled to view it.
This email address is being protected from spambots. You need JavaScript enabled to view it.
Për mbarëvajtjen e Manifestimit do të ketë 3 mijë aktivistë me shirita kuqezi!
Ju lutem bashkëpunoni me ta!
E gjithë Europa dhe bota do t’i ketë sytë në Tiranë më 2 mars. Aty ku do të jeni edhe ju!
MIRËSEVINI NË PRANVERËN KUQEZI! 🇦🇱
