Ish-kryeministri Sali Berisha shprehet se Shqipëria ndodhet para një grushti shteti dhe gjithë qytetarët duhet t’i bashkohen manifestimit të thirrur nga Presidenti Ilir Meta.

“Presidenti e ka thirrur manifestimin sepse jemi para një grushti të shtetit, brenda shtetit, këto quhen grushte shteti brenda shtetit kur një pjesë e pushtetit, një degë e pushtetit, merr pushtetin e degëve tjera. Në këtë rast, faktikisht, pasi që ka marrë çdo institucion të vendit pa përjashtim, (Edi Rama) po merr edhe kompetencat e presidentit”,- ka deklaruar Sali Berisha, i cili thotë se çdo ditë që kalon pa protesta është humbje e madhe.

Në një intervistë për “24-orë.info”, Berisha thotë se narko-diktaturat si kjo e Edi Ramës ikin vetëm me revolucion demokratik.

Berisha shprehet shprehet i bindur se ky revolucion do të bëhet nga qytetarët e Shqipërisë dhe se kryeministri Rama do të merr ndëshkimin e merituar të historisë.

“Kjo pakënaqësi e madhe që ekziston do të vlojë një ditë dhe vlimi do të përvëlojë Edi Ramën”,- shprehet Sali Berisha.

Ish-kryeministri demokrat bën thirrjen e madhe se të gjithë te mblidhemi me 2 mars kundër kryeministrit Rama që ka marrë të gjitha pushtetet e tani po luan të marrë edhe gjykatën kushtetuese.