Presidenti francez Emmanuel Macron anuloi dy  takime të planifikuara për këtë javë me qëllim që të përqëndrohej në përgjigjen që Franca duhet t’i jepte krizës së koronavirusit, njoftoi zyra e tij të hënën sipas Reuters.

Një vizitë në jugperëndim të Francës u shty ndërsa pjesëmarrja e tij në darkën vjetore të grupit hebre CRIF të martën u anulua.

“Kjo nuk do të thotë se Presidenti po vetizolohet, por se ai po sigurohet që të jetë i disponueshëm për të menaxhuar situatën”, thanë burimet zyrtare.