I ftuar në Syri TV, përballë gazetares Armela Ferko, një ditë pas manifestimit të djeshëm të presidentit, gazetari dhe analisti Enton Abilekaj ka komentuar atë çfarë mund të pritet në 15 mars.

Sipas tij, nëse do të kemi një Gjykatë Kushtetuese, ku presidenti merr 3 anëtarët e tij, atëherë nuk do të kemi 'vetëgjyqësi' nga kreu i shtetit.

"Ne kemi një Gjykatë Kushtetuese që nuk është ngritur, duhej të ishte ngritur të paktën me 6 anëtarë dhe kjo është një nga sfidat e tjera që Pranvera Kuq e Zi duhet të zgjidhë. Ne kemi ligje që duhen shqyrtuar nga Kushtetuesja, ashtu kemi dhe dekretet e Presidentit që do të kalojnë aty.  Kemi shumë ligje që duhet të shkojnë në Gjykatë Kushtetuese.

Nëse do të kemi një Gjykatë Kushtetuese të ekuilibruar ku presidenti merr 3 anëtarët e tij, kështu nuk do të kemi një vetëgjyqësi,  një luftë në sheshe po një gjykatë të besueshme dhe puçi që denoncon presidenti përfundon.Mjafton që parlamenti të mos marrë Gjykatë Kushtetuese", u shpreh Abilekaj.

Çfarë paralajmëron Meta më 15 mars?

“Nuk e di si do e bëjë brenda parlamentit. Kjo është shumë e vështirë të imagjinohet. Ai e ka të drejtën të shkojë në parlament por që ta çojnë protestuesit e djeshëm më duket e pamundur.  Ajo që mbetet është nëse ky dekret duhet bërë apo jo? Është kushtetuese apo jo? Shpërndarja e parlamentit qartësohet në kushtetutë si bëhet. Çdo gjë tjetër ilegjitimon presidentin.Situata në dekretimin e shpërndarjes së parlamentit mund të ilegjitimojë të gjitha institucionet", tha gazetari.

Sipas Abilekaj, "Kemi një pjesë të shtetit që nuk pjesën tjetër të shtetit dhe ky konflikt nuk mund të zgjidhet pa marrëveshje që të na çojë në zgjedhje". /A.R, Syri.net

INTERVISTA NË SYRI TV: