Zv Presidenti i i Grupit të PPE në Parlamentin Evropian,  Andrey Kovatchev, i cili ka vizituar sot Pustecin,  deklaroi se ata e mbështesin hapjen e negociatave për Shqipërinë dhe Maqedoninë e Veriut. “Është momenti i duhur që të bëhet një proces i tillë.

Në lidhje me situatën politike në Shqipëri, unë nuk parapëlqej të ndërhyj, por mendoj se kjo nuk do dhe duhet të ndikojë tek negociatat. Mjafton që Shqipëria të përmbushë kushtet e vendosura nga BE dhe lirinë e medias.

Pozicioni ynë si PPE është pro hapjes së negociatave. Ne po flasim edhe me vendet skeptike për t’i bindur se është momenti i duhur për çeljen e negociatave.

Politika e brendshme e Shqipërisë nuk është puna jonë; interesi i qytetarëve të Shqipërisë eshtë që të bëhen kompromiset mes partive politike dhe të arrihet çelja e negociatave.”