Në kuadër të turit "Po të dëgjoj", kryetari i PD, Lulzim Basha ka vizituar disa familje, që vuajnë pasojat e emigracionit masiv dhe ekonomisë së dobët.

Sipas liderit të opozitës, ndryshimi i madh në qeverisje dhe garantimi i kushteve më të mira ekonomike do ti japin fund largimit masiv nga vendi.

"Për vizitë në familjet e Nikos, të Gëzimit dhe të Ilirit, te cilët jetojnë në të njëjtin pallat dhe ndajnë të njëjtat halle: ekonomi e dobët, papunësi e lartë dhe emigrim masiv. Me problemet e tyre përballet sot pjesa më e madhe e familjeve shqiptare. Pasi dëgjova me vëmendje shqetësimet e tyre, i sigurova ata se ne i kemi të gjitha mundësitë për një jetë më të mirë këtu në Shqipëri! Për këtë na duhet një ndryshim i madh në qeverisje, në botëkuptim dhe në prioritete për ta vënë në jetë këtë potencial të jashtëzakonshëm që do të garantojë kushte më të mira ekonomike për familjet shqiptare dhe do t'i japë fund largimit masiv nga vendi", shkruan Basha në postimin e tij.