Policia e Shtetit i ka kërkuar sot mediave të akreditojnë pranë saj, makinat me të cilat do të duhet të lëvizin në kushtet e shtetrrethimit të detyruar prej koronavirusit gjatë dy ditëve në vijim. Në një njoftim në Fb, policia, që ka ngritur dhjetëra postblloqe në Tiranë e Durrës, njoftoi:

“Për të kryer shërbimet e tyre informative gjatë “shtet-rrethimit” të fundjavës brenda perimetrit Tiranë – Durrës, mediat televizive duhet të akreditojnë automjetet e trupave të tyre, pranë Drejtorisë së Përgjithshme të Policisë së Shtetit në Tiranë. Nndjesë 1000 herë po kjo luftë nuk fitohet ndryshe.”