Në një lidhje Skype me Syri TV, sekretari për Marrëdhëniet me Jashtë në Partinë Demokratike, Arben Kashahu ka komentuar vendimin e djeshëm të ministrave të BE për ti hapur dritën jeshile çeljes së negociatave me Shqipërinë dhe kushtet e shtuara ndaj qeverisë në Tiranë.

Sipas zyrtarit të selisë blu, kushti i dënimit të atyre që kanë kryer vepra penale ndaj votës së lirë. Ky është një kusht që e detyron qeverinë të heqë dorë nga procesi i manipulimit zgjedhor, ndërsa shtoi se, një kusht tjetër është ndjekja penale dhe dënimi i politikanëve dhe zyrtarëve të lartë.

"Këtë here kushti është më I fortë dhe I thotë qeverisë arresto njerëzit e tu në funksione qeverisëse. Edhe amendimi I ligjit për mediat. Të gjithë e prisnim, por zgjodhi këtë rrugë duke patur qëllim dashakeq në integrimin europian të vendit. Ky është kryedështimi i kësaj qeverie mbasi sot kemi një dokument që mbledh bashkë të gjitha dështimet dhe duke i listuar me numrin 15", u shpreh Kashahu.

Intervista për Syri TV:

15 Kushtet që duhet të përmbushë Shqipëria:

1. Ekzistenca e Gjykatës Kushtetuese dhe Gjykatës së Lartë në bazë të Kushtetuese.

2. Reforma Zgjedhore në përputhje të plotë me rekomandimet e OSCE/ODHIR duke siguruar një financim transparent të partive politike dhe fushatës elektorale.

3. Plotësimin dhe funksionimin e Gjykatës Kushtetuese dhe Gjykatës së Lartë duke marrë parasysh ekspertizën ndërkombëtare përfshirë edhe aplikimin e mendimit të Komisionit të Venecias.

4. Shqipëria duhet të përforcojë luftën kundër korrupsionit dhe krimit të organizuar përfshirë edhe kooperimin me vendet anëtare të BE-së dhe përmes një plan veprimi të adresojë rekomandimet e task Forcës Financiare (FATF)”, thekson materiali i miratuar ditën e sotme.Ndërkohë që qeveria shqiptare do të ketë dhe 11 detyra të tjera shtëpie për të përmbushur.

Sipas materialit Shqipëria duhet të përmbushë:

1. Finalizimi i SPAK sipas formës kushtetuese.

2. Shqipëria duhet të ndërpresë menjëherë numrin e lartë të azilkërkuesve në BE dhe të sigurojë riatdhesimet.

3. Qeveria Shqiptare duhet të amendojë ligjin e mediave në linjën e rekomandimeve të Komisionit të Venecias.

Këshilli do të vërejë përmes grupeve të punës nëse Shqipëria ka ndërmarrë me sukses prioritetet si:

4. Nisja e procedurave kriminale ndaj prokurorëve dhe gjyqtarëve të akuzuar për vepra penale.

5. Nisjen e hetimeve ndaj atyre që kanë kryer blerjen e votave.

6. Duhet të kenë një vijimësi dhe vazhdimësi në lidhje me luftën kundër korrupsionit dhe krimit të organizuar në të gjitha nivelet, përfshirë edhe procedimin dhe përfundimin e procedurave ndaj politikanëve të lartë dhe zyrtarëve të korruptuar.

7. Proces të prekshëm në reformën administrative.

8. Implementimit të reformës elektorale dhe gjithashtu një vendim përfundimtar dhe ligjor në lidhje me zgjedhjet e 30 qershorit.

9. Qeveria shqiptare duhet të angazhohet për të përmbushur kushtet e përcaktuara në vitin 2017 sa i takon minoriteteve etnike.

10. Adaptimin e një ligji për censusin e regjistrimit të popullsisë të kërkuar nga Athina në përputhje me rekomandimet e KE-së

11. Avancimin e procesit të regjistrimit të pronave për minoritarët.