Nga Sali Berisha.
I pavdekshmi Rikard Ljarja mbylli sytë përgjithmonë!
Dielli perëndoi dje përgjithmonë për njerin nga artistët më të mëdhenj, më të talentuar, më të dashur, më të civilizuar të shqiptarëve, aktorin dhe regjizorin Rikard Ljarja.
Ndarja e tij nga jeta ka zhytur në zi familjen e tij të nderuar, kinematografinë, por dhe botën e artit dhe kulturës shqiptare. Rikard Ljarja, së bashku me bashkëshorten Marjetën, artisten e shquar, mbështetën me përkushtimin e tyre që në fillim lëvizjen demokratike të vendit.

Duke i shprehur nderimin dhe mirënjohjen time më të thellë, kujtimit dhe veprës së pavdekshme të Rikard Ljarjes dhe ngushëllimet e mia më të ndjera familjes, miqve, të afërmve të artistit të madh, lutem Zotit që shpirti i tij i mirë të gjejë paqen e amëshuar. Amin!