Kreu i Shoqatës së  Biznesit të  Vogël në  Shqipëri Albert Nasto tha se paketat që  ka dhënë  qeveria për biznesin e vogël kanë  qenë  tallëse.

Nasto theksoi se gjendja e bizneseve paraqitet e rëndë , kurse ka shtuar se qeveria thjesht duhet të  ndjekë  modelet e shteteve rajonale apo europiane.

“Ne si biznese të  vogla nuk mund të  kalojmë  dot as 1 muaj e lëre më  shumë  se 2 muaj mbyllur. Qeveria nuk ka asnjë  plan afatshkurtër dhe afatgjatë . Këta paketa po na degradojnë. Duket sikur ne duam lëmoshë , por ne nuk duam lëmoshë . Kushtetuta thotë se në  gjendje të  fatkeqësisë natyrore, nese qeveria e bashkia mbyll bizneset, atëherë  duhet t’i dëmshpërblejë  për gjithcka. Bashkitë  nuk kanë  bërë  gjë . Baret dhe restorantet mos harrojmë  se harxhojnë  shumë  energji elektrike.

Nuk mund të  kalohet kjo krizë me 260 mijë  lekë  a 400 mijë  lekë  të  vjetra. Këtu duhet të hidhet lekë . Kjo pagesë  ka qenë  tallëse. Nëse jemi bërë  për këtë  pagesë, kurrë  mos e marrshim. Ne me ftesë të  kryetarit të  opozitës kemi ardhur për të  bërë  ekspoze të  situatës. Mos harrojmë  se as gjysma e bizneseve nuk ka marrë  ndihma. Duhet të  hapen bizneset e bashkë  me to, edhe qytetarët duhet të jenë prezente . Të  ndjekim modelet e shteteve rajonale e europiane. Gjendja e bizneseve është  shumë  e rëndë , ndaj duhet lehtësim taksash”, tha Nasto.