Pasi Këshilli i Lartë Gjyqësor shtyu vendimin për Ardian Dvoranin, për të cilin Presidenti Ilir Meta kishte kërkuar shkarkimin me pretendimin se i ka mbaruar mandati, vjen një koment nga ky i fundit.
Në një prononcim për mediat, Meta theksoi se kjo çështje është përgjegjësi e KLGj-së dhe e askujt tjetër.
“E kam dhënë një përgjigje për këtë çështje. Ajo është një përgjegjësi që i mbetet vetëm KLGJ dhe askujt tjetër”, tha ai.
KLGJ kërkoi një mendim nga disa ekspertë të huaj në Shqipëri për vendimin, duke skandalizuar ekspertët e fushës.
Dvoranit i ka mbaruar mandati që në vitin 2014, por vazhdon detyrën edhe pse Kushtetuta shprehet qartë për mandatin e tij.
