Pas VKM së qeverisë për të kaluar truallin e Teatrit Kombëtar në pronësi të Bashkisë së Tiranës vjen edhe reagimi i kryetarit të Partisë Demokratike, Lulzim Basha.
Përmes një postimi në Twitter, Basha shprehet se, teksa shqiptarët presin zgjidhje për krizën e shkaktuar nga Covid-19, kryeministri Edi Rama gjen kohë për të grabitur.
"Ndërkohë që shqiptarët presin zgjidhje për krizën që ka pllakosur, Rama gjen kohë vetëm për të grabitur. Kalimi i TK në pronësi të kryebetonierit të mafias është akt lufte ndaj artit dhe qytetarisë dhe provokim ndaj BE dhe përfaqësuesve të saj në vigjilje të Ditës së Europës", shkruan Basha në reagimin e tij.
