Nënkryetari i LSI, Petrit Vasili ka bërë me dije se janë evidentuar të gjitha fytyrat e policëve që kanë dhunuar qytetarët, protestuesit dhe artistët tek Teatri.

Vasili thotë se po përgatitet një dosje gjigande që do dorëzohet në Prokurori pë të nxjerrë fytyrën e vërtetë të Edi Ramës.

Sipas Vasilit askush nuk i shpëton dot përgjegjësisë dhe fton të githë qytetarët të evidentojnë ata që dënojnë qytetarët.

”Çdo person i tyre, çdo veprim i tyre, çdo fytyrë e tyre është evidentuar dhe filmuar. Askush nuk i shpëton dot përgjegjësisë. Qoftë ky drejtues i lartë apo komandant operacioni. Polici fashiste dhe anti-qytetarë. U bëj thirrje qytetarëve, protestuesve dhe aktivistëve të evidentojnë çdo veprim të dhunshëm që ajo dosje gjigande të pasurohet edhe më shumë për të nxjerrë fytyrën e vërtetë të Edi Ramës. Sjell njerëz pa uniformë që vendosin shkelmin në vajza e gra, njerëz të artit.Askush mos ketë iluzionin se do të dënohen vetëm ata që urdhëruan, të gjithë do të dënohen. Edhe ata që nga 10 njëherëzi kanë vënë çizmen e tyre të fëlliqur në fytyrën e pastër të qytetarë .”- tha Vasili