Edi Rama i tregon dhëmbët BE dhe Gjermanisë: Jemi shtet Sovran dhe nuk pyesim njeri!
Edi Rama në konferencë shtypi sqaroi se mazhoranca ka votuar Marrëveshjen e 5 qershorit, por shtoi se do të bëjmë dhe ndryshime në Kushtetutë, të cilat në thelb prekin marrëveshjen, pra e rrëzojnë.

Kryeministri sulmoi numrin dy të CDU/CSU në parlamentin gjerman, Waderphul, i cili ka thënë dje se Gjermania dhe BE nuk do të zhvillojnë asnjë bisedim me Shqipërinë për hapjen e negociatave nëse Edi Rama prek Kushtetutën.

Kryeministri theksoi se “Në deklarimin e djeshëm flitet deri edhe për vënien në pikëpyetje për perspektivën evropiane të Shqipërisë, ndërkohë që Bundestagu nuk i ka vënë kusht Shqipërisë të gëzojë Lulzim Bashës, apo të marrë pëlqimin e tij për nisma, që Parlamenti ndërmerr. Shqipëria nuk duhet të gjykohet mbi bazën e anësive politike apo mbi bazën e fjalëve, por duhet të gjykohet dhe jam i bindur se kështu do të gjykohet, kur mjegulla të shpërndahet, mbi bazën e fakteve”.

Kryeministri sulmoi Waderphul dhe tha se jemi shtet Sovran dhe nuk pyesim njeri. Pra deri dje Rama theksonte se pa ndërkombëtarët nuk bëj asgjë apo se ata e kanë thënë dhe “unë po i zbatoj”. Ndërsa tani tregon dhëmbët BE.

Me sa foli Edi Rama ai do ta ndryshojë Kushtetutën pa pyetur aspak për reagimet e BE dhe të sekretarit amerikan të shtetit, Mike Pompei.