Edi Rama ka dalë i lodhur nga takimi 5 orësh i Këshillit Politik.
Debatet kanë qenë të gjata dhe të ashpra edhe pse në fund Rama tha se takimi ishte pozitiv.
Duke folur për gazetarët, Rama deklaroi se do të vazhdojnë diskutimet.
‘Do të vazhdojmë të diskutojmë. Ne jemi gati të vazhdojmë diskutimet pa ndërprerje.
Përfaqësuesit e opozitës kërkuan kohë, por ne kemi një kalendar që është i përcaktuar që është fundi i muajit korrik.
Do shikojmë në proces, por besoj se diskutimi ishte pozitiv.
Koha ka kufizimin e vet, për shkak se hapja e listave për ne nuk është një variant, por një angazhim karshi njerëzve.
Ne dëshirojmë ti përfshimë qytetarët në atë që nesër pritet të jetë grupi ynë parlamentar dhe që na takon të mbrojmë arritjen tonë të madhe, barazinë gjinore në parlament.
Ne do ta çojmë deri në fund edhe angazhimin që kemi marrë në 5 qershor.
Unë shoh se në këtë rast është më e rëndësishme përmbajtja e çështjes, se sa përmbajtja e delegacioneve. Është zgjedhja e opozitës jashtëparlamentare që të vijë e përfaqësuar me kë dëshiron, mjafton që ai ka një mandat.